تعتبر الصياديه من الأكلات المحببه في اليمن وخاصة المناطق الساحلية وهي تختلف في طريقه تحضيرها من بيت لبيت ولكنها تشترك بنفس المكونات الرئيسيه وهي السمك والرزوالبطاطس..الخ..
**الطريقه (1):
المقادير:سمك+زيت+حبتين بصل مقطعين مربعات صغار+نصف بصله كبيره مقطعه حلقات+بهارات+فلفل اسود+حبتين فلفل اخضر حار+ملعقتين صلصه طماطم+كبزره مفرومه نص فرم+كمون +ثوم(فصين)مفرومين+ملح+مكعب مرقه ماجي+حبه بطاطس كبيره او اثنين صغار مقطعين مكعبات كبيره+طماطم عدد2 مقشرين ومقطعين+2كاسات رز+هيل وقرفه .
الطريقه:
اولا نتبل السمك بالفلفل والبهارات والملح ونحطه على جنب,نجهز القدر على النارونحط عليه الزيت ونبدء نقلي :
اولا:البطاطس وقبل ماتستوي نطلعها ونحطها على جنب
ثانيا:البصل المقطع حلقات حتى يصير لونه ذهبي نطلعها من الزيت وبنفس الزيت نقلي السمك على نار هادئة ولما تستوي نطلعها من الزيت وثم نضيف في الزيت البصل المقطع مربعات ولما تحمر نضيف الثوم و الطماطم المقطع ونتركها على نار هادئه لحد ماتستوي ونضيف الكبزره المفرومه والفلفل الحار ومرقه ماجي وصلصه الطماطم مخلوطه بالبهارارات والكمون والهيل والقرفه والملح ونتركها لتتسبك وثم نضيف الرز ونقلبها مع الطماطم ونكون مجهزين ماء فاير ونحطها على الرز ونتركه لحد مايبدء ينشف الماء للربع نيضف البطاطس والسمك ونغطيها بالرز ونتركه لحد مايستوي واخيرانفتح حفره صغير في وسط الرزو نضيف البصل المقطع حلقات والمحمرونرجع نغطيه بالرز ونتركه يستوي تماما وند التقديم حاولي مايتكسر عليكي السمك وبالهناء والشفاء..
**الطريقه (2):
المقادير:
6 قطع سمك شرائح ديرك وسط+ حبة بصل شرائح +حبة طماطم مقطعة+ زيت للقلي+
3 كاس رز بسمتي +حبة بطاطس وسط +وبهارات وملعقة صغيرة صلصة طماطم.
طريقة التحضير
يوضع الزيت في المقلاة ويقلى البصل والطماطم ويوضع السمك للقلي ويضاف ملعقة صلصة طماطم
ونسلق الرز نصف سلق ونضيف البطاطس الى السمك ونضيف ملعقة صغيرة بهارات وكمون وملح
وبعد ذلك نضيف الرز الى خلطة السمك ونضيف ماء نغطي به الرز ويترك الى ان ينشف الماء وبعد دلك نضيف شوية بصل مقلي بالزيت من فوق ونحضر جمرة صغير ونحط فوق قشرة بصل فرق الرز ونضيف ملعقة صغيرة سمن في قشرة بصل ونحط عليها الجمرة ونغطيها بالغطاء.ويكون لها ريحه حلوه عند التقديم.
**الطريقه(3):
المقادير:
كيلو سمك خالي من الشوك متبل بالليمون والملح والفلفل الاحمر الحار+زيت قليل لزوم التحمير
+3بطاطا مقطعه2+حبات بصلات مفرومه3+ حبات طماطم مفرومه + حبه فلفل اخضر حار
3ملاعق كبيره صلصه طماطم+بهارات مشكله + ملح+ 2 ملاعق طعام بهار فلفل احمر حار او بهار بسباس حبشي ( ضروري)2+ كوب رزبسمتي
الطريقه
اولا:
نقلي السمك المتبل وفي نفس الوقت نسلق الرز ونضعه علي جنب
ثانيا :
وفي نفس الزيت المتبقي نقلي البطاطا لكي ياخذ نكهه السمك ونضعه علي جنب ثم فلفل اخضر او احمر
ثالثا:
الصوص
ثم البصل في باقي الزيت( ويكون المتبقي قليل ) ونضيف للبصل بعد ان يتحمر الطماطم والصلصه والبهارات وبهار الفلفل الاحمر الحار والملح ونخليه علي النار حتي يتسبك
رابعا:
الان
في طبق بايركس او أي طبق يدخل الفرن نعمل طبقه رز وفوقها طبقه سمك وفوقها طبقه بطاطا وفوقها الصوص
الي نصف الطبق ثم طبقه بقيه الرز وبعده السمك والبطاطا ثم الصوص
من فوق اسكب ربع كوب ماء علي اخر طبقه حتي يتخلل الصوص للرزبحذر فأذا كنتي عملتيه بصحن بايركس يمكنك ان تري طبقه الرز وفوقه السمك والبطاطس والصوص وكيف ان الصوص تغلغل الى الرز ويكون شكله حلو مره حتى عند التقديم لما تقلبيه بالصحن يكون شكله روعه..
واكيد لاحظتوا ان في الثلاثه الطرق تكررت نفس المقادير بس اختلفت الطريقه ففي الوصف الاخيره يكون الفلفل كتير شوي..اتمنى انه يعجبكم..
صياديه
