فستان شبكه لاصحاب الدوق الرفيع

حياتي انت · 13-05-2008, 07:10 AM

السلام عليكم ورحمة الله وبركاته

انا عضوة جديدة في هالمنتدى, في البداية ابغى ترحييييب حاااار
عشان استمر معاكم لاني بصراحة ارتحت لكم بالمرة وكاني اعرفكم من زمان
نبدا بصلب الموضوع ,عندي فستان شبكة للبيع والمواصفات كالاتي:موديلة كانو ملكي قديم والقماش تفتة فرنسي وهومنفوش وماهو ثقيل في اللبس لانو زي ماقلت قماشو تفتة فرنسي وداخل فيه معدن يعني الحمالات عبارة عن حلقات معدن وكمان فيه سلاسل معدن وبروش في الجنب معدن مرشوش بفصوص ملونه وداخل فيه قطع قماش جوبير برضو مرشوش بفصوص والقطع موزعه في الفستان والظهر ساده بس في منطقه الوسط بروش كبير عباره عن ورود جوري كبيره واللون مااعرف بالضبط كانو مووف محرو ق والقطع موف فاتح ,صراحة ناس شافوه وقالو فستانك روعه كانه من العصور القديمة وطلبو مني اعرضه في مشاغل للبيع او الاجار بس صراحه خفت عليه من الغبره لاني والله محافظه عليه كانه جديد وحابه اعرضه للبيع للي تبغى التميز ولاصحاب الدوق الرفيع وبسعر مغري 1000فقط

الماسه00 · 13-05-2008, 05:18 PM

ممكن الصور لو سمحتي

مليكة · 13-05-2008, 06:54 PM

اهلا وسهلا فيك معنا

اتمنى لك بيعه بالسعر المناسب

ينقل الى البضائع المستعملة

فرح9333 · 18-05-2008, 11:30 PM

ممكن الصور ضروري

حنان الكون · 19-05-2008, 11:05 AM

بالتوفيق عزيزتي