الصنف اللى هاقدمهلكم ده مصرى صميم
كل اللى تحتاجيه كالاتى:-
المقادير:-عدد 5 من الحمامات على عدد افراد الاسرة_بصلة كبيرة_خمس قبضات ارز(يعنى تمسكى الارز بايديكى وتملى قبضة ايدك كل حمامة لها قبضة) _ملح _فلفل اسود_2عود قرنفل_2ملعقة طعام سمن بقرى(او اى دهن على حسب ماتفضلين لكن السمن البقرى بيفرق فى الطعم)_1ملعقة معجون طماطم
الطريقة:- يغسل الارز جيدا ويوضع عليه البصل المقطع صغيراوالفلفل الاسود والملح ثم تطحن اعواد القرنفل وتوضع على الارز (القرنفل بيعطى للصنف نكهة لاتقاوم مع ملاحظة الا تزيدى الاعواد لان النكهة قوية بالفعل) ثم نضع السمن او الزبد او كما تفضلين .
قومى بفصل الجلد عن لحم صدر الحمام دون ان تقطعيه او تفصليه عن جسم الحمامة
احشى المنطقة بين الجلد ولحم الصدر بالاضافة الى بطن الحمامة لاتزيدى كمية الارز بالحشو حتى لاتنقطع وبسقط منها الارز اثناء الطهى.
قومى بحشو الحمام وضعيه للسلق فى الماء وضعى البصل والبهارات الخاصة بك
النار فى البداية تكون عالية وعند اول الغليان هدئى النار.
اتركى الحمام حتى ينضج واختبرى النضج بكسر جناح حمامة اذا تكسر بكل سهولة
فانه يكون جاهز للتحمير.
قومى برفعه من ماء السلق وادهنى جسم الحمامة بقليل جدا من معجون الطماطم
وقومى بتحميرها بالزيت المضاف اليه قليل من السمن البقرى او النباتى
ثم ارفعى الحمام وزينيه وقدميه.
ملحوظة: الطريقة دى تمشى مع اى صمف طيور مع ملاحظة انه يكون كبير بعض الشىء بالسن كى يتحمل الحرارة وكى ينضج الارز ببطن الصنف اى لاتستعمليها مع الدجاج المذبوج المتلج الا اذا تاكدتى انه كبير بالسن بعض الشىء.
قبل البدء بطهى اى صنف من الطيور قومى بدهن الطائر بعصير الليمون من الخارج والداخل ثم اطهيه وتمتعى بالفرق فى الطعم.
الحمام المحشى بالارز
العرض العادي
