مين مننا ماوقعش فريسة للشوكولا؟
كتير مننا صرعى الشوكولا وانا كواحدة منهم عندى حب وهوس بالشوكولا وفينا اللى بيقدر يتغلب على المشكلة دى وفى مننا اللى مش بيقدر وكتير بنتعذب واحنا بننظر لقالب شوكولا واكتر بنتعذب لما بناكله بس وانا صغيرة كنت فاكرة ان الشوكولا زى اى نوع من الحلوى عبارة عن وصفة وتدخل الفرن وتخرج بالشكل اللى كلنا مغرمين بيه ده. بس كانت دهشتى كبيرة اوى لما عرفت انها عبارة عن حبوب ودهشتى كانت اكبر لما عرفت ان الحبوب دى طعمها لايمت بصلة للطعم الرائع اللى كلنا بنحبو.
قعدت ادور ازاى العالم عرف الشوكولا وازاى وصلت للى احنا بنلمسه دلوقتى. عرفت ان اول مكتشف للشوكولا هو كريستوفر كولومبس لما كان فى المكسيك وقدم له اهل المكسيك القدامى ( الازتيك) شراب الكاكاو لكنه وجد نكهته قوية وطعمه مر فترك الحبوب لاصحابها ورجع لبلاده.
بعد كده ب 25 سنة كان العالم على موعد مع الشوكولا لما هرنان كورتيز صديق كريستوفر كولومبس نقل حبوب الكاكاو معاه لاوروبا وطبعا الكل شايف مدى الاقبال الشديد على الشوكولا والحب . طيب تصوروا ايه كان يكون الحال لو كورتيز حذا حذو صديقه وترك الحبوب دى لاصحابها؟؟
هل رايت مافعلت بنا ياكورتيز؟
العرض العادي
