مرحبا اخواتي
اتمنى من كل وحدة تقرا موضوعي ترد علي ولو طر واحد ولها جزيل الشكر وخالص الدعاء
اعاني من الطفش والملل والحياة الرتيبة اللي مافيها اي تغيير صراحة اول لماكنت ادرس في الكلية كانت عندي اهداف وطموحات لكني تزوجت بعد التخرج مباشرة(قبل سنتين ونص تقريبا)
تلاشت كل اهدافي او بالاصح ضعفت همتي وعزيمتي اشتغلت اول ماتخرجت في مدرسة اهلية لكن ماقدرت اتحملهم تركتهم خصوصا اني حملت كل ماقررت اني اسوي شي اتحمس له في البداية لكن سرعان مايزول هذا الحماس
والله اني احس في بعض الاحيان بل كثير الاحيان اني مالي داعي وان وجودي مثل عدمه احاول اسوي لي برامج بس ما اقدر انفذها احب القراءة والكتابة (سابقا لكن بعد الزواج توقفت عن هذي الهواية) احب الكمبيوتر واحس عندي مهارات بس كل مايزيد الوقت كل ماتزيد عوائقي
انتقلت قبل شهري للعيش في شقة انا وزوجي وطفلي بعد ماكنت ساكنة عند اهل زوجي والوم نفسي كثيير كيف ضيعت وقتي بالرغم من فراغي وعدم انشغالي لوجود خادمتين في البيت
فيه تفاصيل كثييرة بس ماكل شي ينقال منها اني كل ماحاول اشتغل افشل معلمة مااتحمل المدارس الاهلية قدمت على دراسات عليا ماقبلت مندوبة ماكسبت ولاريال
احس اني فاشلة ومحبطة والله يضيق صدري لدرجة اني ابكي بسبب ومن غير سبب
ادري طولت عليكم بس ياللييييت من كل وحدة تدخل تفيدني بنصيحة بجدول بفكرة بكتاب اوموقع مفيد او اي مكان مفيد
علما بان عندي الان عائق حقيقي وهو طفلي وطفل قادم في الطريق
ارشدووووووووووووووووووووووووووووني جزاكم الله خير
روتين ممل وطفش قاتل....اريد حلا..ارجووووكم
العرض العادي
