اليوم راح اعطيكم و جبه حجازيه ميه %
انا شخصيا احبها و اموت فيها طبعا اللي راح يقرا بسرعه راح يحسبها بريانى هندى بس لا 
البهارات مرررررره غير و الطعم كمان و الريحه جنان "خخخخخخخخ دعايه "
طبعا هيا تقدم مع السمبوسه المثلثات باللحمه المفرومه و البيض و الكزبره و سلطه اللبن بالخيار و مويه زمزم مبخره بالمستكه الله روووووووعه و بالله تعالو معايا المطبخ و اديكم المقادير 
الرز الزربيان "الكابلي"
المقادير:
دجاجه مقطعه سته قطع
علبتين لبن زبادي
كزبره خضراء مفرومه
بصلتين كبيره مقطعه اجنحه رقيقه
بصلتين مطحونه
نص بكت صلصه طماطم
خمسه حبات بطاطس مسلوقه عدل و مقشره
ثلاثه كاسات رز منقوعه
بياله شاهى مويه كادى و زعفران او صبغه و قلبيه مع بعض
ماجى
&&&&&&&&&&&&&&&&&&&&
الطريقه و بليز ركزوا معايا
اولا :حطى فى الصاج زيت كافى و سخنيه و حطى البصل الاجنحه عليه و حطي ملح ناعم كميه كبيره حتى يصير مالح و مقرمش و تتركين البصل حتى يحمر لونه و تصفينه و الزيت لا تكبينه خليه على جنب
تانيا :تمسكين الدجاج و تحطيه فى القدر و تحطى معاها مويه تغطيه عدل و خمس حبات هيل و خولنجان و شيبه و قرفه و كمون حب و حبه ماجى و نصف كميه الزيت حق البصل و تتركينه حتى يستوى و تشيلين الدجاج على جنب و صفي المويه حقت الدجاج و خليها على جنب .
ثالثا : حطي ثلاثه ارباع كميه مويه سلق الدجاج و اسلقى الرز فيه و النص التانى من الزيت حق البصل و تنسلق الاربع و تصفينه من المويه
رابعا :حطى زيت فى القدر و احمسي فيه البصل المطحون و الثوم و الصلصه و اللبن الزبادى و نص كميه الكزبره المفرومه و البهارات الناعمه وكلها ملعقت تقليب الشاهى الصغيره"خولنجان _جنزبيل_فلفل اسود_قرفه_هيل _كزبره ناشفه_هرد_ملح_ماجى"ثم البطاطس المسلوقه و الدجاج و نص فنجان مويه الكادى و قلبى المحتويات و فى الاخير حطى الرز على النار فوق الخلطه و اكمري القدر بكيس نايلون و خليه على نار هاااااااااااديه ربع ساعه و الين يقل المويه و حطى النص التانى من فنجان الزعفران و كزبره مفرومه و شويه من البصل المحمر و اكمرى القدر مره تانيه ربع ساعه و بعدين اغرفيه و زينى الوجه بالبصل المحمر و الكزبره الخضراء
و بالهناء و العافيه
الرز الزربيان اكله حجازيه %
