شغالتي والسائق ....ساعدوني يا بنااااات

أم عبدالله · 15-10-2007, 06:02 PM

السلام عليكم ورحمة الله وبركاته

بنات والله اني مارقدت من امس تدرون ليه الله يسلمكم بعد ما نومت اليهال بالليل نمت معاهم وعقبها حسيت بالعطش ونزلت اشرب ماء أأأأأخ نزلت وشفت شي ليتني ما شفته يا بنات شفت لدريول ايتسحب على الساعه اربع الفجر ويدخل غرفة الشغاله العجووووووز السيرلنكيه الي ظروسها طايحه وما ضنيتها جذيه ولا ضنيته هو لدريول بعد جذيه ضنيته مسلم ويخاف الله طلع حسبي الله عليه لا يصوم ولا يحشم اهل البيت ونسيت اقول لكم لما شفته دخل غرفة الشغاله على طول ركضت وجبت الكاميرا وحاولت اصور بس الفلم طلع مخلص واركض فوووق واجيب فلم ثاني وبسرعه ابطله وحطه بالكاميرا واروح الصاله المطله على غرفتهم وبطل الشباك وافتح الكاميرا وخليها شغاله اتصور في هذي الاثناء ضنيته طلع لدريول في الوقت الي رحت فيه اجيب الفلم وضليت اصور حول ال7 دقايق وبعدين سمعت سوق الباب ايتبطل ويظهر لدريول شاخط بكل ثقه الي غرفته وطبعا انا صورته وهو طالع من غرفة الخدامه الحين المشكله والمصيبه اني ساكته ولا ابي اشوف وجه العيوز قولولي ايش اسوي انا محتاجه لدريول ومحتاجه الشغاله لكني كرهتهم ولا ابي اشوف اوجيهم

ساعدوني الله يخليكم مب قادره افكر ساعدوني

بنات هذي الشغالهالوحيده الي تمت عندي تقريبا 9 شهور طبعا السبب معروف لاتي اشتغل الصبح وصاري من اشتغلت 6 شهور فعشان جذيه اقعدت اما باقي الشغالات ما يتمون لاني كنت قاعده بالبيت واصيدهم المهم انا الحين طلعت من البيت ويا اعيالي يمكن هروب بس شسوي ما ابي اشوفهم ولو فرضا جبت خدامه ثانيه وثالثه اعتقد كلهم بيكونون نفس الشي ليش لان انا ببيتي كاميرات مراقبه واراقب الخدم ومن الخدامات يكتشفون هالشي يطلبون مني اني اسفرهم
غير كاميرات المراقبه عندي الكاميرا العاديه المحموله الي اصيدهم بها
تعبت من كثر ما جيب خدامات من جميع الجنسيات وجميع الديانات وما في فايده الله ياخذهم كلهم كلهم صايدتهم انا اتغاضى عن النظافه بس ابي وحده ما تعرف هالسوالف بس ما حصلت الشريفه قولولي شسوي

دلع يادلع · 17-10-2007, 05:52 AM

بسم الله الرحمن الرحيم
والله انا متعاطفه معك لاني اسمع عن مشاكلهم كثير لكن شوفي جيبي وحده من الهند وبالذات من كيرلا ومسلمه وميته جوع واشرطي عالمكتب يكون عندها عيال وزوج انا حماتي "عندها 3 شغالات ويقربون لبعض بعد" وتعطيهم فوق راتبهم من كثر ماترحمهم صار لهم فوق 10 سنوات عندها 66ff33

&**هنادي**& · 17-10-2007, 07:34 AM

حبوبه الله يعينك ان شاء الله

فعلا والله هم شر لابد منه
اسمعي يالغلا انا لو منك >>استغنى عن واحد منهم

ومن رايي تستغنين عن الدريول
بتقولين محتاجته
بقولك مو اكثر من الشغاله >>صح ولا لا

الدريول تقدرين تتعاقدين مع سواقين بالشهر لايسكنون عندك ولا تشيلين همهم
لما تحتاجينهم تدقين ويوصلون لحد باب بيتك برسم الخدمه
او انك اااااااممممممممممممممممم

تسوقين بنفسك >>اللى حسيته منك انك منتى سعوديه
يعني السياقه عندكم للمراه عادي

والله لو منك اشتريت راحتي

والاهم من هذا كله انك تسفرينهم وتجيبن لك وحده كبيره بالعمر وعندها عيال
وما تحطين سووووووووووووواق

الله يعينك يارب ويفرج همك

أم عبدالله · 17-10-2007, 12:47 PM

اقتباس:

المشاركة الأصلية كتبت بواسطة &**هنادي**&

حبوبه الله يعينك ان شاء الله

فعلا والله هم شر لابد منه
اسمعي يالغلا انا لو منك >>استغنى عن واحد منهم

ومن رايي تستغنين عن الدريول
بتقولين محتاجته
بقولك مو اكثر من الشغاله >>صح ولا لا

الدريول تقدرين تتعاقدين مع سواقين بالشهر لايسكنون عندك ولا تشيلين همهم
لما تحتاجينهم تدقين ويوصلون لحد باب بيتك برسم الخدمه
او انك اااااااممممممممممممممممم

تسوقين بنفسك >>اللى حسيته منك انك منتى سعوديه
يعني السياقه عندكم للمراه عادي

والله لو منك اشتريت راحتي

والاهم من هذا كله انك تسفرينهم وتجيبن لك وحده كبيره بالعمر وعندها عيال
وما تحطين سووووووووووووواق

الله يعينك يارب ويفرج همك

أفكر حاليا بالسواقه والشغاله بجيب غيرها وادري ومتاكده انها بتطلع مثل سابقاتها

الله يعيني يا رب ويعين الجميع

صاحبة السمو · 18-10-2007, 06:05 AM

ينقل للقاعه المناسبه

الله يعينك يا اخت ام عبدالله

افضل شي لما تكتشفي في الخادمه او السائق اي شي

وتحبي تتخلصي منهم

يفضل عدم اخبارهم او مواجهتهم بجرمهم

وتحجزي لهم وتسفريهم بدون علم مسبق

ولاتخلي لك اثر لك او لزوجك او لاولادك

لانهم حقودين وما يخافوا من الله

وممكن يعملوا اي شي

اما بالنسبه للشغاله هذي بالذات والسواق

انا لو منك

اروح احجز لهم واسفرهم فورا بدون مايعرفوا السبب

والله يعينك

انا قمر 14 · 19-10-2007, 05:22 AM

صراحه انا مع كلام هنادي وصاحبة السمو

وانتي تقدرين تستغنين عن السايق بس الشغاله صعبه

فاحسن لك انك تحاولين تتخذي قرار صائب

وربي يعينك على ما ابتلاكي يارب