بسم الله الرحمن الرحيم
فى حياتنا اليوميه وخصوصا فى الصيف ومع الحر بنكون عاوزين نخرج من روتين الاكل ونجدد حياتنا وعاداتنا ومعايا تعالو شوفو صنف هايل اذا اكلناه فى المحلات بيكلفنا كتير لكن فى البيت كل شىء بيكون مضمون حتى الميزانيه وممكن نعمله من بواقى اكله سمك مثلا والطبق هو سلطة السى فود
المقداير:مكرونة فورفيلى (قلم)يعنى الاكثر استخداما فى صوانى المكرونه بالباشاميل
سمك اى نوع على حسب مابتحبى -جمبرى-كابوريا-تونة-سبيط(حبار) كوب مايونيز-2حبه فلفل رومى -10حبات زيتون اسود-ملعقه طعام خل-ملعقة صغيرة سكر
طريقه العمل:بالنسبه للمقادير ممكن انك ماتضعيش كل انواع السى فود لكن على حسب الفايض والمتوفرعندك وبعدين نقطع حبتين الفلفل صوابع رفيعه بحيث تتناسب
مع حجم المكرونه وبقيه اللحوم تفتت ولكن ليس ناعما ناخذ حبتين الفلفل سوتيه على النار ونضيفهم للمكرونة المسلوقة وعليهم كل لحوم السى فودالمتوفرة عندك وعليهم كوب المايونيز والسكر والخل وتقلب جيدا المقادير
**ملحوظة**: استخدامك للسكر من شانه تخفيف حده الملوحه والحامضيه فى اى اكل واضفاء طعم هايل على اى اكله وتقدرى تجربى ملعقه صغيرة على اى اكلة وشوفى الفرق
بعد مانقلب الطبق كويس نحطه على جنب ويفضل يترك لفترة حوالى نص ساعه على الاقل حتى تمتزح المقادير مع بعضها وممكن تناوله باردا بعد وضعه فى الثلاجه وهتلاقى طعمه كمان احلى وبيرطب فى حر الصيف الفظيع ده
على فكرة انتى اكيد ملاحظه انى ماارتبطش باى كميات محددة وده طبعا ميزة من مميزات الطبق وتقدرى تشوفى قد ايه الكمية اللى هاتطلع مثلا من 400جرام مكرونه دى تكفى ست افراد
سلطة السى فود طبق ولا اشهى وكمان له فوائد هايله
العرض العادي
